ا مشاهدتي لإنمي Dr. Stone - طبيب الصخر (بدون حرق)
اليوم بدي احكيلكن عن إنمي جديد نزل من فترة بعد مشاهدتي لأول ١٠ حلقات منو .
نوع الإنمي : علمي على مغامرات على شوية كوميديا
لمحة عن قصة الإنمي :
الإنمي بيحكي عن ظاهرة ما بتصيب الأرض فجأة بتتسبب بتحجر البشر ، بطريقة ما و بعد اكتر من ٣٥٠٠ سنة بيفك التحجر عن شب اسمو سينكو ، سينكو هاد مهووس بالعلم و ذكي كتير بحاول يلاقي طريقة لينقذ بقية البشر المتحجرين و إعادة الحضارة البشرية متل ما كانت عليه .
بيطرح الإنمي عدد كبير من المعلومات العلمية و الكيميائية و أغلب الاختراعات يلي ساعدت بوصول البشرية الى التطور الحالي يلي بيحاول البطل إعادة تطبيقها ليوصل للهدف تبعو بإعادة الحضارة يعني فيك تقول الانمي عبارة عن ملخص لاهم انجازات البشر من العصر الحجري لليوم هاد .
طبعا الانمي مالو تعليمي بس لا كمان فيو فلسفة و دراما و كتير معاني و بيطرح جدلية عن شكل العالم الجديد و كيف لازم يكون و كتير امور تانية.. ما رح غوص فيا مشان ما احرقلكم الانمي .
يفترض يكون الانمي من ٢٤ حلقة مدة كل حلقة ٢٥ دقيقة مع الشارة نازل منو لحد هلق ١٤ حلقة ممكن يكون نوعا ما قريب من انمي فل ميتل الكيمنتس بس هاد واقعي اكتر شوي .
بنصحكم تشوفوه 👍
تعليقات
إرسال تعليق